Instagram: Маржона Мирзаалиевага Malibu совға қилишди, Москвада яшагиси келмаётган Лола, сериал съёмкаси вақтида оёғини синдириб олган актриса

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Бунёдбек Саидов ўзбек санъатининг забардаст вакиллари Фарруҳ Зокиров ва Ғуломжон Ёқубов билан бирга тушган суратини саҳифасига жойлади.

Юлдуз Усмонова «Адо» деб номланган қўшиғини мухлислари эътиборига ҳавола этди.

3 март санасида хонанда Умида Мирҳамидова туғилган кунини нишонламоқда. Хонанда саҳифасига ота-онаси билан тушган суратини жойлаб, уларга миннатдорчилик билдирди.

Шоҳруххон қурувчиларнинг касб байрами муносабати билан суратга олинаётган роликда суратга тушмоқда. Ролик учун хонанда грим ёрдамида таниб бўлмас даражада ўзгартирилди.

Феруза Жуманиёзова мухлисларига янги сурат билан кўриниш берди.

Актриса Зилола Ғуломова «Зебо» сериалининг суратга олиш жараёнида оёғини синдириб олди. У кўнгилсиз ҳодисага қарамай, суратга олиш жараёнида иштирок этмоқда.

Хонанда Лола тобора Москвадан бошқа шаҳарга кўчиб кетиш истаги кучаяётгани ҳақида гапирди. «Ҳозир оилам билан Москвада яшаяпмиз. Лекин кундан кунга буни ўзгартириш истаги кучаймоқда. Ҳозир ваҳима қилмаслик ҳамда хотиржамликни сақлаш муҳим. Ҳаёт кўрсатади», — дейди Лола.

Умидахон 2 март куни таваллуд айёмини нишонлади ҳамда фолловерларига турмуш ўртоғидан қандай совға олганини кўрсатди.

Муқаддас Саъдуллаева марҳум поччаси Фатҳулла Масъудов билан тушган сўнгги суратларидан бирини саҳифасига жойлади.

«Қодирхон» сериалидаги роли билан эл назарига тушган актриса Маржона Мирзаалиева 2 март куни туғилган кунини нишонлади. Унга турмуш ўртоғи шу куни Malibu автомобилини совға қилди.