Instagram: Нилуфар Усмонова олтинчи фарзандига ҳомиладорми? Алишер Узоқов Дубайдан нега қайтди? Асал Шодиева хонадонидан репортаж

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Актриса Азиза Ёқубова блогер Шоҳруз билан келинлик либосини танлаб, бармоғига узук таққани акс этган видеони саҳифасига жойлади.

Гулсанам Мамазоитова қорли довонда тушган суратини саҳифасига жойлаб, мухлисларини баҳор билан табриклади.

Ёрқинхўжа Умаров Муниса Ризаеваникига меҳмонга борди ҳамда кузатувчиларига хонанданинг уйидан қисқа репортаж тайёрлади.

Феруза Латипова «Сетора» гуруҳи ташкил топган сана муносабати билан дугоналарини табриклади.

Шаҳзода Муҳаммедова ўттиз ёшга кириб, биринчи марта уйига икки нафар ёрдамчини ишга олгани ҳақида кузатувчиларига сўзлаб берди.

Дурдона Қурбонова фолловерларига инсон ҳақида яхши билмасдан хулоса чиқармасликка чорламоқда.

Азиз Раметов тўйи муносабати билан табрик йўллаётган барча мухлисларига миннатдорлик билдирди ҳамда 200 кишилик тўй қилаётгани боис ҳаммани тўйга таклиф қила олмаслигини ҳам қўшимча қилди.

Отабек Мирзахолов онаси билан тушган суратини саҳифасига жойлади.

Хонанда Ширин 28 февраль куни шоу-бизнесдаги яқин дўстлари даврасида туғилган кунини нишонлади.

Севара Назархон тўнғич фарзанди Денгизни туғилган куни билан табриклади.

Зоҳиршоҳ Жўраев Отабек Умаров билан биргаликда кўриниш берди. «Акам доим менинг ёнимдалар, Аллоҳ рози бўлсин», — дейди хонанда.

Америкадан қайтган Шаҳло Зоирова фарзандлари билан дийдор кўришди.

Алишер Узоқов «Chotki TV» YouTube каналига берган интервьюсида нима сабабдан Дубайга кўчиб кетиб, бир муддат яшаганидан сўнг яна Тошкентга қайтгани ҳақида гапирди. «Менга тўғри келмас экан. Бегона юртда яшай олмадим. Ватанни соғиниб қолдим», — дейди актёр.

Нилуфар Усмонова фолловерларининг саволларига жавоб берар экан, «ҳомиладор эмаслиги, шунчаки тўлишгани» ҳақида гапирди.

Актриса Асал Шодиева шоу-бизнес вакилларининг гардеробини таҳлил қиладиган кўрсатув ижодкорлари билан учрашиб, уларга хонадонини ҳамда кийимларини кўрсатди. Кўрсатув тез кунларда мухлислар эътиборига ҳавола этилади.

Хонанда Лола Истанбул шаҳрида «Севги изтироби» турк сериалини суратга олган оператор билан ижодий ҳамкорлик қилмоқда. У айнан нима суратга олинаётганига изоҳ бермаган.