Ёшларни қўллаб-қувватлаш ва ижтимоий лойиҳаларни ривожлантириш — UzAuto фаолиятининг муҳим йўналиши ва ажралмас қисми. 2021 йилда компания томонидан кўрсатилган ҳомийлик кўмаги миқдори 297 миллиард сўмни ташкил этди.
Ахборот технологиялари соҳасини ривожлантириш, шунингдек, истиқболда бу йўналишда кадрларни тайёрлаш учун Тошкент вилояти Юқори Чирчиқ туманида UzAuto томонидан академия қурилиш лойиҳаси амалга оширилди. Замонавий мажмуа «Ўзавтосаноат» ташаббуси билан Ўзбекистонда ёшлар лойиҳаларини қўллаб-қувватлаш ҳамда АКТни ривожлантириш лойиҳалари доирасида амалга, ҳаётга татбиқ этилди. Лойиҳа 3,5 гектар ҳудудда 8 500 квадрат метр майдондан иборат бино кўринишидаги мажмуа концепциясини ишлаб чиқиш, лойиҳалаштириш ва қуришни ўз ичига олган.
Сўнгги техник талабларга мувофиқ жиҳозланган ёшлар марказидан унумли фойдаланиш мақсадида, «Ўзавтосаноат» компанияси томонидан Ботир Орифжонов (LeBazar, Paynet асосчиси, Khan Academy Uzbek раҳбари) жалб этилган бўлиб, унинг раҳбарлиги остида Astrum IT академияси ташкил этилди. IT академиянинг ташкил этилиши ёшларни ўқитиш учун майдонча яратиш имконини берди. Хабар қилинишича, АКТ йўналишидаги машғулотлар жараёни Кремний водийси мутахассислари томонидан ишлаб чиқилган.
Бундан ташқари, 2021 йилда ёзувчиларнинг дам олиши ва ижод қилиши учун «Ўзавтосаноат» АЖ томонидан Паркент туманида қурилган «Паркент ижод уйи» лойиҳаси амалга оширилди. Маданий-ижодий майдон 2 гектар ҳудудда Паркент туманидаги «Заркент» маҳалласини ободонлаштириш доирасида бунёд этилган.
52 ўринга мўлжалланган, кўркам 3 қаватли мажмуа маданий ва кўнгилочар тадбирларни очиқ ҳавода ўтказиш учун махсус амфитеатрни ўз ичига олган, кун-у тун ишлаш учун зарур бўлган тунги чироқ ёриткичлари билан жиҳозланган.
Замонавий «Паркент ижод уйи» ўзига хос ва бетакрор архитектура дизайни билан «Заркент» маҳалласи кўркига кўрк қўшиб, туман аҳолиси учун чинакам диққатга сазовор жойга айланди.
Шу билан бирга эслатиб ўтиш ўринлики, «Ўзавтосаноат» АЖ Ўзбекистоннинг номоддий маданий меросини асраш тарафдори ва «Мақом мактаби» ННТ ҳамда Ўзбек миллий мақом мусиқа санъати маркази бош ҳомийси ҳисобланади.
Ҳудуд кўкаламзорлаштирилган. Умумий майдони 7,1 метрни ташкил қилган сув минораси, узунлиги 800 метргача бўлган болалар ва катталар бассейни барпо этилган, табиат бағрида дўстлар ва яқинлар билан суҳбатлашиб, ҳордиқдан ижобий таассуротлар олиш учун 7 та скамейка ўрнатилган.
Ўтган йили, шунингдек, 28 миллиард сўм миқдоридаги молия маблағлари маданият, фан ва спорт соҳалари, шу жумладан, мақом, кинематография, «Зиё» фонди, шунингдек, Андижон футбол клубини ривожлантиришга йўналтирилган.
UzAuto томонидан Жиззах вилоятининг Арнасой туманидаги ободонлаштириш ишларига 5 миллиард сўм ажратилган. «Яшил макон» дастури доирасида 30 минг кўчат экилган. Бундан ташқари, маҳаллаларни ободонлаштиришга 10 миллиард сўм миқдорида ҳомийлик кўмаги йўналтирилган.
Хусусан, Бектемир тумани аҳолиси учун 70 та икки қаватли ва 50 та хусусий уйнинг фасад ва том қисми таъмирлаб берилган. Бажарилган иш суммаси 14 миллиард сўмни ташкил этди.
Бектемир туманида бандликни таъминлаш учун маиший хизмат кўрсатиш учун эҳтиёт қисмлар ишлаб чиқариш бўйича лойиҳалар амалга оширилди ва шунинг ҳисобидан 170 дан ошиқ иш ўринлари ташкил этишга эришилди.
UzAuto тизимида, шунингдек, аҳолини, коллеж ва ОТМ битирувчиларини иш билан таъминлашга эътибор қаратилади. Автосаноат соҳасида тармоқнинг ўзида 28 мингга яқин одам ва турдош соҳаларда 200 000 дан ортиқ одам банд қилинган, 2022 йилда бу соҳада яна 1200 та иш ўринлари яратиш режалаштирилган.
Реклама ҳуқуқи асосида.
Изоҳ (0)