Бугун,

  • USD 11095.31
  • RUB 173.84
  • EUR 10772.44

Жаҳон мобил конгресси (MWC 2022) — АКТ соҳаси вакиллари, бизнес ҳамжамиятлари ва бутун дунёдаги инновацион технологиялар иштиёқмандлари учун ўз эшикларини очаётган йирик тадбирлардан бири. Анъанага кўра, тадбир жорий йилда 183 дан ортиқ давлатдан бўлган 1800 та компанияни ўзида бирлаштириб, Fira Barcelona кўргазма мажмуасида ўтказилмоқда. Тадбир доирасидаги форум ва учрашувларда 1000 дан ортиқ эксперт спикерлар иштирок этмоқда.

Тадбирда асосан 5G технологиялари, сунъий интеллект, булутли технологиялар, молиявий технологиялар ва хизматлар, ҳамма нарсалар интернет (Internet of everything), шунингдек, вертикал соҳалар учун инновацияларни қўллаш мавзуларига эътибор қаратилмоқда.

Huawei йирик АКТ компанияси сифатида Жаҳон мобил конгрессининг доимий иштирокчиси ҳисобланади. 2022 йилда Huawei компанияси дунёнинг барқарор ривожланишини қўллаб-қувватлаш учун соддалаштирилган, экологик тоза ва «ақлли инфратузилма»ни қуриш учун ўз стендлари ва форумларида энг сўнгги инновацияларга алоҳида эътибор қаратмоқда. Инновацион технологиялар ва ечимлар орқали Huawei операторларга яхшироқ АКТ инфратузилмасини яратишда ёрдам беришга интилиб, истеъмолчилар учун мақбул тажрибани тақдим этмоқда ва саноатнинг рақамли трансформациясини тезлаштирмоқда.

27 февраль куни MWC олдидан Huawei компанияси Lighting Up the Future номли форум ўтказди ва ушбу форум давомида 5G технолигиясини қўллаш афзалликлари, янги бизнес моделларини яратиш ва 5G’нинг тижорат муваффақиятини тезлаштириш имкониятлари, шунингдек, рақамли ва «ақлли трансформация» операторларига самарадорликни ошириш ва янги марраларга кўтарилиш имконини берадиган яшил, ишончли, самарали ва «ақлли АКТ инфратузилма» яратиш мавзулари кўриб чиқилди.

Жаҳон рақамли иқтисодиёти жадал суръатлар билан ривожланмоқда. 2022 йилда жаҳон ялпи ички маҳсулотининг 50 фоиздан ортиғи рақамлаштирилади. Хитой, Жанубий Корея ва Европа Иттифоқи каби кўплаб мамлакатлар ва минтақалар аллақачон рақамли иқтисодиёт борасида катта инвестиция режаларини тузиб қўйишганини эълон қилишган. Huawei ижрочи директори ва операторлар билан ишлаш бўйича бўлим директори Райан Дин ўзининг асосий маърузасида рақамли иқтисодиётнинг ҳаётийлигини учта омил билан баҳолаш мумкинлигини тушунтирди: уланиш зичлиги, ҳисоблаш ресурсларининг хилма-хиллиги ва углерод чиқиндиларини камайтириш жадаллиги. Бу омиллар операторларга келгусида рақамли иқтисодиётни шакллантириш учун уларга зарур имкониятларни тақдим этади.

«Уланиш зичлигини ошириш орқали операторлар ўзларининг 5G фойдаланувчи базасини кўпайтириши ва ўз бизнесини кенгайтириши мумкин. Углерод чиқиндиларини камайтириш нуқтаи назаридан Huawei компаниясиники каби янги экологик тоза АКТ ечимлар тармоқ сиғимини оширади ва экологик ривожланиш учун энергия сарфини камайтиради», — дея қўшимча қилди Райан Дин.

5G’нинг тижорат йўналиши икки йил аввал бошланган ва ўшандан бери 5G тармоқлари, фойдаланувчилари ва қурилмалари сони тез суръатлар билан ўсиб келмоқда. 2021 йил охирига келиб, 200 дан ортиқ операторлар 700 миллиондан ортиқ 5G фойдаланувчиларига хизмат кўрсатувчи тижорат 5G тармоқларини ўрнатишди. Ўзбекистонда учта алоқа оператори бешинчи авлод тармоқларини тижорат олди синовидан ўтказди.

Жаҳон мобил конгресси 2022 йил 28 февралдан 3 мартгача бўлиб ўтади. Ўзбекистоннинг рақамли трансформацияни жадаллаштиришдан манфаатдорлигини инобатга олиб, мобил операторлар ва АКТ регуляторлари делегацияси тажриба алмашиш ва келгусида республиканинг АКТ инфратузилмасини мустаҳкамлаш учун қўлланилиши мумкин бўлган рақамли трендларни ўрганиш мақсадида тадбирда иштирок этмоқда.

Реклама ҳуқуқи асосида.

Изоҳ
Асосий янгиликлар
Маҳаллий
Ўзбекистонда биринчи автоматлаштирилган смарт санитар-гигиеник шохобча ишга туширилди (фото)
Маҳаллий
Ўзбекистонда 31 март куни 32 даражагача иссиқ бўлади
Маҳаллий
Самарқанддаги эски товуқ фабрикасида газ портлади