Рауф Комилжонов «Savdogarbank»ни деярли тўлиқ сотиб олди

Биржа маълумотларига кўра, Рауф Комилжоновнинг «Savdogar» акциядорлик тижорат банкидаги акциялар улуши 45,7 фоиздан 99,2 фоизга ошган. 

Битим 24 февраль куни имзоланган. Ноябрь ойининг охирида Рауф Комилжонов банкнинг 695 млн дона акцияларини 83,5 млрд сўмга сотиб олган эди.

«Savdogarbank’’ 2021 йилнинг 3-чорак якунларига кўра 10,8 млрд сўм зарар кўрган.

«Savdogar» акциядорлик тижорат банкидан ташқари Рауф Комилжонов «Ramirus gas service», «Profit store», «Gazstroyspecservice» каби МЧЖларнинг таъсисчиси ҳам ҳисобланади. Бундан ташқари у Тошкентдаги «Самарқанд дарвоза» савдо мажмуасини 11 фоизлик акцияларига эгалик қилади.

Аввалроқ Ўзбекистондаги энг даромадли банклар рўйхати маълум қилинган эди.