Сурхондарё вилояти Термиз туманидаги «Наврўз» чорвачилик мажмуаси кимошди савдосига қўйилди. Лот маълумотлари «E-auksion» порталида эълон қилинган.
Лот изоҳида ёзилишича, 2001 йилда қурилган 1 ва 2 қаватли бино 130 хонадан иборат. Ферма хўжалигининг ер майдони 36,93 гектарни ташкил этади. Бинонинг фойдали майдони 22,5 минг квадрат метр.
Чорвачилик хўжалигида канализация, сув ва электр таъминоти бор бўлса-да, газ мавжуд эмас.
Аукционга қўйилган мажмуанинг бошланғич баҳоси — 61 млрд сўм. Аризалар 17 март 09:00 га қадар қабул қилинади. Савдолар худди шу куни 10:00 да бошланади.
Аввалроқ Наманганда «Рим» ресторани 15 млрд сўмга аукционга қўйилгани ҳақида хабар берилган эди.
Изоҳ (0)