Шавкат Мирзиёев 1 март куни ўтказилган видеоселектор йиғилишида аёлларни ижтимоий ҳимоя қилишни тубдан кучайтириш ва бу борадаги ёндашувларни қайта кўриб чиқиш вазифасини қўйди. Бу ҳақда Президент матбуот котиби хабар қилди.
Қайд этилишича, мамлакатда ҳар йили ўртача 700 минг чақалоқ дунёга келади. Фарзандли бўлган аёллар камида 4 ойга ишдан ажралиши, декретга чиқиши керак бўлади.
«Очиқ айтиш керак, айни пайтда бюджет ташкилотлари ҳомиладорлик нафақасини тўлиқ тўлаб берса-да, хусусий секторда бу харажат туфайли аёлларни расмий ишга олишдан қочиш ҳолатлари ҳам, афсуски бор.
2022 йил 1 сентябрдан хусусий секторда расмий ишлаётган аёлларга ҳомиладорлик нафақасини давлат томонидан кафолатли тўлаб берадиган тизим яратилади. Уларга ҳам 4 ойга 2 миллион сўм миқдорида бир марталик ҳомиладорлик нафақаси тўлаб берилади. Бу мақсадлар учун, бюджетдан 2022 йилда 200 миллиард сўм, 2023 йилда эса 1,7 триллион сўм йўналтирилади.
Изоҳ (0)