Сардор Рашидовдан Икром Алибоевгача. «Пахтакор» янги футболчиларини таништирди (фото)
«Пахтакор» стадионининг анжуманлар залида 1 март, сешанба куни клубга янги келиб қўшилган футболчиларнинг таништирув маросими бўлиб ўтди. Бу ҳақида «Дарё» мухбири хабар бермоқда.
Фото: «Дарё» / Мадина Нурман
Анжуманда клуб раиси ўринбосари Дилшод Каримов, бош директор Дмитрий Адисман, бош мураббий Славче Войнески, янги футболчилар — Оливер Шаркич, Камен Ҳажиэв, Алексей Ларин, Икром Алибоев, Сардор Рашидов, Миржаҳон Мираҳмадов, Жасур Ёқубов иштирок этди.
Дастлаб клуб раиси ўринбосари Дилшод Каримов янги футболчилар ва янги мураббий жамоага таклиф этилгани, аввалги мавсумларга қараганда ушбу мавсумда интрига кўпроқ бўлиши, Суперкубокни ютгани жамоага қўшимча куч бағишлагани ҳақида айтиб ўтди.Фото: «Дарё» / Мадина Нурман
Шундан сўнг жамоанинг янги футболчилари ўзларининг таассуротлари билан бўлишди.
«Клуб жуда яхши ва ташкилий масалалар ажойиб йўлга қўйилган. Мавсумга яхши тайёрландик ва якшанба куни Суперкубокда ғалаба қозондик. Энди олдимизда Суперлига ва бошқа мусобақаларда яхши иштирок этиш вазифаси турибди», — дейди Оливер ШаркичФото: «Дарё» / Мадина Нурман
«‘Пахтакор’ таркибига қайтганимдан бахтиёрман. Насиб қилса, яхши ўйинлар кўрсатиб, мухлислар ишончини оқлаш ва жамоага фойда келтиришга ҳаракат қиламан», — айтиб ўтди Жасур Ёқубов.Фото: «Дарё» / Мадина Нурман
Камен Ҳажиев: «Суперкубок баҳсида мухлислар бизни ажойиб қўллаб-қувватлади. Биринчи совринга эришдик. Мавсум охирида кўпроқ совринлар билан ўтирамиз деган умиддаман».Фото: «Дарё» / Мадина Нурман
«Кувайт СК» сафида бир мавсум ўйнаб келган Сардор Рашидов: «‘Пахтакор’ — катта клуб. Суперкубок ёнига мавсум якунида Суперлига ва Ўзбекистон Кубогини қўшиб қўйишга уринамиз».Фото: «Дарё» / Мадина Нурман
«Машғулот ва ўйинларда яхши меҳнат қилган ҳолда ўзимиздан кутилган натижаларни кўрсатишга интиламиз», — деб айтиб ўтди Алексей ЛаринФото: «Дарё» / Мадина Нурман
«‘Пахтакор’ мен учун бегона эмас. Фаолиятимни шу ерда, клуб академиясида бошлаганман. Дебютимдаёқ Суперкубокни қўлга киритдик. Ҳали яна бошқа совринларга эга чиқишни истайман», — дейди Икром Алибоев.Фото: «Дарё» / Мадина Нурман
«Йигитлар деярли барча нарсани гапириб бўлди. Улар айтгандек, ҳамма совринларга эришишни хоҳлаймиз. Ўзимга ишонаман. Асосий таркибдан жой олиб, муҳим голлар уришга ҳаракат қиламан», — деди Миржаҳон Мираҳмадов.Фото: «Дарё» / Мадина Нурман
Ҳар бир лигани ютиш қийин. Ҳеч бир жойда совринга эга чиқиш осон эмас. Суперкубок ўйини қанчалик оғир кечганини ҳамма кўрди. Ҳар бир жамоа бизга жиддий қаршилик кўрсатишга уринади. Чемпионлар Лигасида гуруҳдан чиқишни истаймиз. Ўйинлар Рамазон ойида бўлади ва биз барчани ҳисобга олишимиз керак. Биз ҳар 4-5 кунда майдонга тушишимиз лозим. Шундай тиғиз тақвимда ўйнаймиз. Апрель ва майда жуда кўп ўйинда майдонга тушамиз. Бу ҳолатда барча кичик жиҳатларгача эътибор қаратамиз. Миллий терма жамоада ҳам ўнга яқин футболчи тўп тепади.Славче Войнески, «Пахтакор» бош мураббийи
Фото: «Дарё» / Мадина Нурман
Шундан сўнг футболчиларга рақамларни тақдим этиш маросими бўлиб ўтди:
Фото: «Дарё» / Мадина Нурман
Фото: «Дарё» / Мадина Нурман
Фото: «Дарё» / Мадина Нурман
Фото: «Дарё» / Мадина Нурман
Фото: «Дарё» / Мадина Нурман
Фото: «Дарё» / Мадина Нурман
Фото: «Дарё» / Мадина Нурман
Фото: «Дарё» / Мадина Нурман
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)