Ўзбекистонлик ҳужумчи Шерзод Темиров Эрон чемпионатига йўл олди.
23 ёшли футболчи Эроннинг «Персеполис» клуби билан 1,5 йиллик шартнома имзолади. Унинг сўнгги клуби «Пахтакор» бўлди. «Шерлар» матбуот хизматига кўра, у жамоани эркин агент сифатида тарк этган.
Маълумот учун, «Машъал» сафида катта футболга кириб келган Темиров Суперлига доирасида 49 та ўйинда майдонга тушиб, 10 та гол ва 4 та голли узатмага муаллифлик қилган.
Аввалроқ Азизбек Амонов Эроннинг «Истиқлол» клубига ўтганди.
«Персеполис» 45 очко билан Эрон чемпионати 20-туридан кейин пешқадам «Истиқлол»дан (48) кейин 2-ўринда бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)