Sardor Rashidovdan Ikrom Aliboyevgacha. “Paxtakor” yangi futbolchilarini tanishtirdi (foto)
“Paxtakor” stadionining anjumanlar zalida 1-mart, seshanba kuni klubga yangi kelib qo‘shilgan futbolchilarning tanishtiruv marosimi bo‘lib o‘tdi. Bu haqida “Daryo” muxbiri xabar bermoqda.
Foto: “Daryo” / Madina Nurman
Anjumanda klub raisi o‘rinbosari Dilshod Karimov, bosh direktor Dmitriy Adisman, bosh murabbiy Slavche Voyneski, yangi futbolchilar — Oliver Sharkich, Kamen Hajiev, Aleksey Larin, Ikrom Aliboyev, Sardor Rashidov, Mirjahon Mirahmadov, Jasur Yoqubov ishtirok etdi.
Dastlab klub raisi o‘rinbosari Dilshod Karimov yangi futbolchilar va yangi murabbiy jamoaga taklif etilgani, avvalgi mavsumlarga qaraganda ushbu mavsumda intriga ko‘proq bo‘lishi, Superkubokni yutgani jamoaga qo‘shimcha kuch bag‘ishlagani haqida aytib o‘tdi.Foto: “Daryo” / Madina Nurman
Shundan so‘ng jamoaning yangi futbolchilari o‘zlarining taassurotlari bilan bo‘lishdi.
“Klub juda yaxshi va tashkiliy masalalar ajoyib yo‘lga qo‘yilgan. Mavsumga yaxshi tayyorlandik va yakshanba kuni Superkubokda g‘alaba qozondik. Endi oldimizda Superliga va boshqa musobaqalarda yaxshi ishtirok etish vazifasi turibdi”, — deydi Oliver SharkichFoto: “Daryo” / Madina Nurman
“‘Paxtakor’ tarkibiga qaytganimdan baxtiyorman. Nasib qilsa, yaxshi o‘yinlar ko‘rsatib, muxlislar ishonchini oqlash va jamoaga foyda keltirishga harakat qilaman”, — aytib o‘tdi Jasur Yoqubov.Foto: “Daryo” / Madina Nurman
Kamen Hajiyev: “Superkubok bahsida muxlislar bizni ajoyib qo‘llab-quvvatladi. Birinchi sovringa erishdik. Mavsum oxirida ko‘proq sovrinlar bilan o‘tiramiz degan umiddaman”.Foto: “Daryo” / Madina Nurman
“Kuvayt SK” safida bir mavsum o‘ynab kelgan Sardor Rashidov: “‘Paxtakor’ — katta klub. Superkubok yoniga mavsum yakunida Superliga va O‘zbekiston Kubogini qo‘shib qo‘yishga urinamiz”.Foto: “Daryo” / Madina Nurman
“Mashg‘ulot va o‘yinlarda yaxshi mehnat qilgan holda o‘zimizdan kutilgan natijalarni ko‘rsatishga intilamiz”, — deb aytib o‘tdi Aleksey LarinFoto: “Daryo” / Madina Nurman
“‘Paxtakor’ men uchun begona emas. Faoliyatimni shu yerda, klub akademiyasida boshlaganman. Debyutimdayoq Superkubokni qo‘lga kiritdik. Hali yana boshqa sovrinlarga ega chiqishni istayman”, — deydi Ikrom Aliboyev.Foto: “Daryo” / Madina Nurman
“Yigitlar deyarli barcha narsani gapirib bo‘ldi. Ular aytgandek, hamma sovrinlarga erishishni xohlaymiz. O‘zimga ishonaman. Asosiy tarkibdan joy olib, muhim gollar urishga harakat qilaman”, — dedi Mirjahon Mirahmadov.Foto: “Daryo” / Madina Nurman
Har bir ligani yutish qiyin. Hech bir joyda sovringa ega chiqish oson emas. Superkubok o‘yini qanchalik og‘ir kechganini hamma ko‘rdi. Har bir jamoa bizga jiddiy qarshilik ko‘rsatishga urinadi. Chempionlar Ligasida guruhdan chiqishni istaymiz. O‘yinlar Ramazon oyida bo‘ladi va biz barchani hisobga olishimiz kerak. Biz har 4-5 kunda maydonga tushishimiz lozim. Shunday tig‘iz taqvimda o‘ynaymiz. Aprel va mayda juda ko‘p o‘yinda maydonga tushamiz. Bu holatda barcha kichik jihatlargacha e’tibor qaratamiz. Milliy terma jamoada ham o‘nga yaqin futbolchi to‘p tepadi.Slavche Voyneski, “Paxtakor” bosh murabbiyi
Foto: “Daryo” / Madina Nurman
Shundan so‘ng futbolchilarga raqamlarni taqdim etish marosimi bo‘lib o‘tdi:
Foto: “Daryo” / Madina Nurman
Foto: “Daryo” / Madina Nurman
Foto: “Daryo” / Madina Nurman
Foto: “Daryo” / Madina Nurman
Foto: “Daryo” / Madina Nurman
Foto: “Daryo” / Madina Nurman
Foto: “Daryo” / Madina Nurman
Foto: “Daryo” / Madina Nurman
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)