Странжа—2022. Ўзбекистонлик боксчилар умумжамоа ҳисобида биринчи ўринни эгаллади

Болгария пойтахти София шаҳрида 22—27 февраль кунлари бокс бўйича нуфузли Странжа—2022 халқаро турнири бўлиб ўтди. Мазкур турнир ўз тарихида 73-маротаба ташкил этилди. Унда жаҳоннинг 37 мамлакатидан 370 нафардан ортиқ эркак ва аёл боксчи иштирок этди.

Мусобақада қатнашган ўзбекистонлик боксчилар 6 та олтин ва битта бронза медални қўлга киритди. Умумжамоа ҳисобида ўзбекистонлик спортчилар биринчи ўринни эгаллади. Россия терма жамоаси эса 5 та олтин билан иккинчи ўриндан жой олди (2 та эркаклар, 3 та аёллар). Кучли учликка эса Қозоғистон терма жамоаси 4 та олтин медал билан якун ясади (2 та эркаклар, 2 та аёллар).

2021 йилда бўлиб ўтган Странжа халқаро турнирида Болгария 8 та медал билан биринчи ўринни эгаллаган. Ўзбекистон, Украина ва Қозоғистон 6 та медал билан иккинчи ўринни бўлишиб олганди.