А Серия. Элдор Шомуродов захирадан тушган ўйинда «Рома» 90+8-дақиқадаги гол эвазига ғалабани илиб кетди
Футбол бўйича Италия А Сериясининг 27-турида «Рома» 27 февраль, якшанба куни «Специя» меҳмони бўлди.
Биринчи бўлим якунланиши арафасида майдон эгалари бир ўйинчи кам бўлиб қолди. Учрашувдаги ягона гол ўйин охирида киритилди.
Ҳакам томонидан қўшиб берилган вақтда «Специя» дарвозаси томон пенальтини белгиланди. 11 метрлик жарима зарбасини Тэмми Абраҳам голга айлантирди.
Элдор Шомуродов учрашувнинг 80-дақиқасида захирадан майдонга тушди.
Ушбу ғалабадан кейин «Рома» очколарини 44 тага етказиб олган ҳолда 6-ўринда бормоқда.
А Серия
27-тур баҳслари
27 февраль, якшанба
«Специя» — «Рома» 0:1
Гол: 0:1 – 90+8 Абраҳам.«Специя»: Проведел, Амян, Николау, Эрлич, Сала (Мажоре, 13), Бастони (Жаси, 63), Кивер, Рэтса, Агудело, Верде (Феррер, 46), Нзола.
«Рома»: Руй Патрисиу, Карсдорп, Смоллинг, Манчини (Заниоло, 46), Кумбула, Залевски (Шомуродов, 80), Мхитарян (Бове, 90), Верету (аш-Шаарави, 68), Кристанте, Пеллегрини, Абраҳам.
Огоҳлантиришлар: Агудело (30), Амян (39), Манчини (45), Кумбула (64), Кивер (85), Заниоло (90+4), Мажоре (90+6).
Четлатиш: Амян (45).
