Футбол бўйича Испания Ла Лигасининг 26-туридан ўрин олган бир қатор учрашувлар 27 февраль, якшанба куни бўлиб ўтди.
«Барселона» ўз уйида Бильбаонинг «Атлетик» жамоасини қабул қилди. Учрашувнинг 37-дақиқасида Пьер-Эмерик Обамеянг каталонларни олдинга олиб чиққан бўлса, 73-дақиқада Усмон Дембеле жамоасининг иккинчи голини урди.
Иккинчи бўлимнинг сўнгги дақиқалари ўтиб бораётган бир вақтда Люк де Йонг ва Мемфис Депай ўз ҳисобига гол ёздирган ҳолда, ҳисобни йирик кўринишга олиб келди.
Ушбу ғалабадан кейин «Барселона» очколарини 45 тага етказиб олган ҳолда 4-ўринда бормоқда ва пешқадам «Реал»дан 15 очко ортда. «Атлетик» (37) 8-поғонадан жой олган.
Ла Лига
26-тур баҳслари
27 февраль, якшанба
«Барселона» — «Атлетик» 4:0
Голлар: 1:0 – 37 Обамеянг, 2:0 – 73 Дембеле, 3:0 – 90 де Йонг, 4:0 – 90+4 Депай.«Барселона»: тер Штеген, Дани Алвес, Пике, Араухо, Дест, Бускетс (Нико Гонсалес, 87), Педри, Гави (Френки де Йонг, 67), Обамеянг (Люк де Йонг, 86), Траоре (Депай, 82), Ферран Торрес (Дембеле, 67).
«Атлетик»: Унаи Симон, Лекуэ, Йерай Альварес (Мартинес, 46), Вивиан, Баленсиага, Саррага (Уильямс, 67), Весга (Дани Гарсия, 67), Венседор, Рауль Гарсия (Сансет, 46), Вильялибре (Уильямс, 77), Серрано.
Огоҳлантиришлар: Бускетс (48), Баленсиага (54), Пике (70).
Изоҳ (0)