Бокс бўйича суперўрта вазн тоифасида мутлақ жаҳон чемпиони Сауль Альварес 7 май куни навбатдаги жангини ўтказади.
Ярим оғир вазн тоифасида чемпионлик жанги учун кечадиган жангда унга россиялик Дмитрий Бивол рақиблик қилади.
«Бу амалга ошди. 7 май куни Дмитрий Биволга қарши WBA ярим оғир вазн тоифасида чемпионлик учун жанг қиламан.
Тез орада жанг ўтказиладиган жойни ҳам аниқлаймиз», — деб ёзди мексикалик боксчи Instagram саҳифасида.
Қайд этиш ўринли, Бивол мазкур жангга Ўзбекистонда тайёргарлик олиб бормоқда. 12 февраль куни Ўзбекистон бокс федерацияси унинг мамлакатга келгани ва уч ҳафта давомида маҳаллий боксчилар билан машғулотлар ўтказиши ҳақида хабар берганди.
Маълумот учун, «Канело» охирги жангини 2021 йилнинг ноябрь ойида Калеб Плантга қарши ўтказди ва уни нокаутга учратди. Бивол эса сўнгги марта 2021 йилнинг декабрь ойида рингга кўтарилган ва ўшанда Умар Саламовни мағлубиятга учратган.
Изоҳ (0)