А Серия. Душан Влаҳович дубль қайд этган ўйинда «Ювентус» қийин ғалабага эришди
Футбол бўйича Италия А Сериясининг 27-туридан ўрин олган бир қатор ўйинлар 26 февраль, шанба куни бўлиб ўтди.
«Ювентус» «Эмполи» меҳмони бўлди. Учрашувнинг 33-дақиқасида Мойзе Кин ҳисобни очди. 39-дақиқада Симон Журковски мувозанатни тиклади. Биринчи бўлимнинг сўнгида Душан Влаҳович туринликларнинг иккинчи голини урди. Жамоалар танаффусга шу ҳисобда йўл олди.
66-дақиқада Душан Влаҳович дублни расмийлаштирди. 76-дақиқада эса Андреа ла Мантиа ҳисобни қисқартиришга муваффақ бўлди — 2:3.
Массимилиано Аллегри шогирдлари ушбу ғалабадан сўнг очколари сонини 50 тага етказди, жамоа мусобақа жадвалида тўртинчи ўринда бормоқда. «Эмполи» эса 31 очко билан 13-поғонадан жой олган.
А Серия
27-тур баҳслари
26 февраль, шанба
«Эмполи» — «Ювентус» 2:3
Голлар: 0:1 – 32 Кин, 1:1 – 39 Журковски, 1:2 – 45 Влаҳович, 1:3 – 66 Влаҳович, 2:3 – 76 ла Мантия.«Эмполи»: Викарио, Стоянович (Ҳендерсон, 85), Луперто, Исмайли, Какаче (Паризи, 70), Бандинелли (Бенасси, 70), Байрами (Верре, 85), Журковски, Аслани, ди Франческо (ла Мантия, 70), Пинамонти.
«Ювентус»: Шенсни, Данило, Бонуччи, де Лигт, Пеллегрини, Куадрадо, Рабьо, Закария (Локателли, 37), Артур, Кин (Мората, 62), Влаҳович.
Огоҳлантиришлар: Исмайли (50), Паризи (73).
