Бугун,

  • USD 11095.31
  • RUB 173.84
  • EUR 10772.44

АҚШ президенти Жо Байден блогер Брайан Коeнга берган интервьюсида Россияга қарши қўлланилган кескин санкцияларнинг муқобили — Учинчи жаҳон урушининг бошланиши бўлиши мумкинлиги ҳақида гапирди.

«Ҳаракатлар учун икки йўл бор эди: Россия билан жисмоний жиҳатдан уруш очиб, Учинчи жаҳон урушини бошлаш ёхуд иккинчи вариант, яъни халқаро ҳуқуқни ҳурмат қилмаётган, менсимаётган мамлакатни ўта қиммат товон тўлашга мажбур қилиш», — дейди Байден.

Шунингдек, Байден Россияга қарши қўлланилган санкциялар тарихдаги энг кенг қамровли чекловлар эканлигини қайд этган.

«Россия ушбу қилмишлари учун қисқа вақт ичида, айниқса, келажакда жуда жиддий товон тўлайди», — деб ҳисоблашини айтган АҚШ президенти.

24 февралга ўтар кечаси Россия президенти Владимир Путин Донбассда «минтақа аҳолисини геноциддан ҳимоя қилиш» учун «махсус ҳарбий операция» бошланганини эълон қилди. Мурожаатдан сўнг ижтимоий тармоқларда Украинанинг кўплаб шаҳарларида портлашлар содир бўлгани ҳақида хабарлар пайдо бўлди. Украина Ички ишлар вазирлиги раҳбари маслаҳатчиси Антон Герашченко 24 февраль куни эрта тонгда Киев, Харьков ва Днепрда ҳарбий инфратузилма объектларига ракета зарбалари берилганини маълум қилди.

24 февралда Россия Украинага бостириб киргач, Буюк Британия мамлакатга қарши янги санкциялар қўллаган, хусусан «Аэрофлот» компаниясининг қироллик ҳудудига парвозларини тақиқлаган. АҚШ президенти Жо Байден Россия Украина ҳудудига бостириб киргани ва у ерда ҳарбий операцияларни бошлагани учун мамлакатга нисбатан янги санкциялар жорий қилган. Шунингдек, Байден Россиянинг Украинага ҳужуми учун масъулият Владимир Путиннинг зиммасида экани, Россия ушбу ҳарбий операция учун жиддий зарбалар қабул қилиб олиши ҳақида гапирган.

Кейинчалик 25 февралда АҚШ Путин, Лавров ва Шойгуга қарши санкциялар эълон қилди, шунингдек 26 февралда Оқ уйнинг Зеленскийга Киевни тарк этишида ёрдам беришга тайёрлиги хабар қилинди. АҚШ президенти Жо Байден Украинага ҳарбий эҳтиёжлар учун зудлик билан молиявий ёрдам кўрсатишни буюрган, Франция президенти Эммануэль Макрон эса Украинадаги урушнинг узоқ давом этишини тахмин қилган.

Ҳозирча Россияни SWIFT тизимидан узиб қўйиш ҳақидаги АҚШ, Буюк Британия ва Европа иттифоқининг санкциялари ҳали кучга киргани йўқ. Асосий чекловлар Россия элитаси, банклар, иқтисодиётнинг алоҳида соҳалари, жумладан, Россия экспорти ва юқори технологиялар маҳсулотларига нисбатан татбиқ қилинган.

Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live

Изоҳ
Асосий янгиликлар
Маҳаллий
Жанубий Корея мамлакатда ишлаш ниятидаги ўзбекистонликлар учун квоталар сонини оширади
Дунё
«Ҳинд Чернобили» — Пхобалдаги техноген ҳалокат, Эрон олий раҳбарига айланган Ҳоманаий ва Совуқ урушга якун ясаган Ельцин—Буш. Кун хронологиясида 3 декабрь
Спорт
Бразилия Жанубий Кореяга қарши, Португалия эса Швейцария билан баҳс олиб боради. ЖЧ—2022 нимчорак финалнинг барча жуфтликлари маълум бўлди