АҚШ президенти Жо Байден Украинага мудофаа учун зудлик билан 600 миллион доллар ёрдам пули ажратишни буюрди. Бу ҳақда Оқ уйга таяниб, «Интерфакс» хабар берди.
Эълон қилган меморандумда «Мен давлат котибига Украинага зудлик билан ҳарбий ёрдам кўрсатиш ваколатини топшираман», — дейилган.
Давлат котиби Украинага беғараз мақсадда 250 миллион доллар ажратиш АҚШ манфаатларига тўғри келиш-келмаслиги бўйича хулоса чиқариши керак. Байденнинг айтишича, яна 350 миллион доллар Пентагонга мудофаа товарлари ва хизматлари, шунингдек, ҳарбий таълим ва тайёргарлик учун ажратилиши керак.
Аввалроқ АҚШ президенти администрацияси Конгрессдан Украина инқирозини тартибга солиш билан боғлиқ ҳаракатлар учун 6,4 миллиард доллар ажратишни сўраган эди. 2022 йилда АҚШ Украинага хавфсизлик соҳасида ёрдам сифатида 650 миллион доллар ва гуманитар ёрдам мақсадида 52 миллион доллар ажратган. Мамлакат 2014 йилдан буён АҚШдан умумий қиймати 2,7 миллиард долларга тенг ёрдам олган.
Бундан олдин Еврокомиссия Украинага 1,2 миллиард евро ажратишни маъқуллаган, шунингдек январь бошида АҚШ администрацияси Украинага қўшимча 200 миллион долларлик ҳарбий ёрдам кўрсатишни 2021 йил декабрида маъқуллагани, 2022 йил 1 февралда эса АҚШдан яна 84 тонна ҳарбий ёрдам Украинага етказиб берилгани хабар қилинган.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)