Швеция ва Чехия терма жамоалари ЖЧ—2022 ўтиш ўйинларида Россияга қарши ўйнашдан бош тортмоқда.
Швеция қандай майдонда бўлиб ўтишидан қатъи назар эҳтимолий рақиб Россияга қарши ўйин ўтказмаслигини маълум қилган. Шунингдек, Швеция футбол федерацияси ФИФАдан март ойидаги ўйинлардан Россияни четлатишни сўраган.
Чехия футбол иттифоқи ҳам Россия терма жамоасига қарши ўйинга ҳеч қанақасига рози бўлмаслигини эълон қилди.
Аввалроқ Польша Россияга қарши ўйинда иштирок этишдан бош тортганди. Учала томон ҳам бунга Украинадаги жанговар ҳаракатларни сабаб қилиб кўрсатган.
Швеция ва Чехия терма жамоалари ўртасидаги ўзаро ўйин ғолиби Россия — Польша учрашуви ғолибига қарши майдонга тушади.
24 февраль куни Россия президенти Владимир Путин Донбассда «махсус ҳарбий операция» бошланганини эълон қилди. Айни вақтда Украинанинг қатор ҳудудларида ҳарбий ҳаракатлар давом этмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)