Странжа—2022. Олти нафар ўзбекистонлик боксчи финал йўлланмасини қўлга киритди. Турсуной Раҳимовада бронза

Болгариянинг София шаҳрида 25 февраль, жума куни бокс бўйича халқаро анъанавий Странжа Кубогининг олтинчи кунги баҳслари бўлиб ўтди.

-57 кг вазн тоифасидаги жангда Абдумалик Ҳалоков россиялик рақибини мағлуб этди ва финалга йўл олди. Ҳалоков финалда болгариялик Хавиэр Диас билан баҳс олиб боради. -80 кг вазн тоифасидаги Одилжон Аслонов эса ярим финалда Кромвил Комми устидан ғалаба қозонди ва финал йўлланмасини қўлга киритди. Ўзбекистонлик боксчи финалда болгариялик Кристиан Николовга қарши рингга чиқади.

-52 кг вазн тоифасида Турсуной Раҳимова украиналик рақибига имкониятни бой бериб қўйди ва бронза медали билан чекланди.

Шу ва бошқа натижалар билан қуйида танишинг:

Эркаклар:

• -51 кг: Ҳасанбой Дўстматов — Тимур Кабдешов (Қозоғистон) 5:0;
• -57 кг: Абдумалик Ҳалоков — Всеволод Шумков (Россия) 5:0;
• -80 кг: Одилжон Аслонов — Кромвил Комми (Италия) 4:1;
• -92 кг: Мадиёр Саидраҳимов — Абзал Куттибеков (Қозоғистон) 3:2;
• -63,5 кг: Мужибилло Турсунов — Абзал Серик (Қозоғистон) 5:0;
• +92 кг: Лазизбек Муллажонов — Нурлан Сапарбай (Қозоғистон) 5:0.

• -52 кг: Турсуной Раҳимова — Тетиана Коб (Украина) 1:4.