24 февраль куни Тошкент метрополитенининг «Мирзо Улуғбек» бекатида номаълум шахс поезд тагига ўзини ташлагани тўғрисида хабар берилганди. Бош прокуратура матбуот котиби Ҳаёт Шамсутдинов ушбу ҳолат бўйича қўшимча маълумотларни эълон қилди.
Маълум қилинишича, соат 21:15 ларда метрополитеннинг «Мирзо Улуғбек» бекатида Сирдарё вилояти Сардоба туманида яшаган Э.Ш. (1984 йилда туғилган) ҳаракатланиб кетаётган электропоезднинг тагига ўзини ташлаб, олган тан жароҳатлари оқибатида воқеа жойида вафот этган.
Терговга қадар текшириш ҳаракатлари олиб борилмоқда.
Эслатиб ўтамиз, 2020 йилнинг декабрида Тошкент метрополитенининг «Алишер Навоий» бекатида 38 ёшли аёл ўзини яқинлашиб келаётган поезд остига ташлаш мақсадида атайлаб поезд йўлига ётиб олганди. Ўшанда аёл кучли тушкунлик ҳолатида бўлгани ва ўзининг ножўя ҳаракатини аффект ҳолатида бўлганда содир этгани айтилганди.
Изоҳ (0)