24-fevral kuni Toshkent metropolitenining “Mirzo Ulug‘bek” bekatida noma’lum shaxs poyezd tagiga o‘zini tashlagani to‘g‘risida xabar berilgandi. Bosh prokuratura matbuot kotibi Hayot Shamsutdinov ushbu holat bo‘yicha qo‘shimcha ma’lumotlarni e’lon qildi.
Ma’lum qilinishicha, soat 21:15 larda metropolitenning “Mirzo Ulug‘bek” bekatida Sirdaryo viloyati Sardoba tumanida yashagan E.Sh. (1984-yilda tug‘ilgan) harakatlanib ketayotgan elektropoyezdning tagiga o‘zini tashlab, olgan tan jarohatlari oqibatida voqea joyida vafot etgan.
Tergovga qadar tekshirish harakatlari olib borilmoqda.
Eslatib o‘tamiz, 2020-yilning dekabrida Toshkent metropolitenining “Alisher Navoiy” bekatida 38 yoshli ayol o‘zini yaqinlashib kelayotgan poyezd ostiga tashlash maqsadida ataylab poyezd yo‘liga yotib olgandi. O‘shanda ayol kuchli tushkunlik holatida bo‘lgani va o‘zining nojo‘ya harakatini affekt holatida bo‘lganda sodir etgani aytilgandi.
Izoh (0)