Россиялик машҳур шахслар ортидан Ғарб юлдузлари ҳам Украинадаги вазиятга муносабат билдира бошлади. Анжелина Жоли Instagram’даги саҳифасида Украинани тарк этаётган қочқинларга ёрдам беришини маълум қилди, дея хабар бермоқда Harper’s bazaar нашри.
Сўнгги маълумотларга кўра, ўтган кун давомида 30 мингдан ортиқ Украина фуқароси Польшага қочиб кирган.
«Кўпчилик каби мен ҳам Украинадаги одамлар учун ибодат қиляпман, — деб ёзган актриса. — Мен БМТнинг Қочқинлар бўйича Олий комиссарлиги бошқармасидаги ҳамкасбларим билан биргаликда Украинадаги қочоқларнинг асосий ҳуқуқларини ҳимоя қилиш ва уларга риоя этилишини таъминлаш учун барча имкониятларни ишга солишга ҳаракат қиламан. Биз қурбонларни ҳамда одамлар хавфсизлик учун уйларини тарк эта бошлаганини кўриб турибмиз».
https://www.instagram.com/p/CaX44naJXse/?utm_source=ig_web_copy_link
Изоҳ (0)