Турк актрисаси Неслиҳан Атагул дунёнинг кўплаб мамлакатларида машҳурликка эришган. Актриса «Севги изтироби» ва «Элчининг қизи» сериалларидаги роллари орқали муваффақият қозонди, деб ёзади «RusTurkey.com».
Неслиҳан сўнгги лойиҳа – «Элчининг қизи» сериалини соғлиғи сабабли тарк этишга мажбур бўлди, албатта, бу унинг мухлисларини жуда хафа қилди. Бироқ улар сабр билан севимли актрисанинг қайтишини кутди.
Орадан бироз вақт ўтиб, Неслиҳан Атагул янги лойиҳада иштирок этишга қарор қилди. Маълум бўлишича, сериал TMC Film томонидан Стар канали учун суратга олинади. Хабарларга кўра, машҳур актриса Периде Желал қаламига мансуб «Туннинг охири» романи асосида экранлаштирилган фильмда бош ролни ижро этади.
Сериалнинг сценарийси Эмре Ўздур ва Башар Башаран томонидан ёзилган. Актрисанинг партнёри ким экани ҳозирча эълон қилинмаган. Шунингдек, сериалнинг намойиш этилиши 2022 йилга режалаштирилган.
Мавзуга доир:
- Юқори дид билан кийинадиган турк актрисалари рейтингида Фаҳрие Эвжен биринчиликни қўлга киритди
- 2021 йилда ижтимоий тармоқлардаги энг кўп муҳокама қилинган турк актрисасининг номи маълум қилинди (фото)
- Туркияда 2021 йилнинг энг гўзал жуфтликлари номи маълум қилинди (фото)
- Томошабинлар меҳрига сазовор бўлган энг гўзал турк актрисалари (фото)
Изоҳ (0)