Тошкент вилояти Оҳангарон туманидаги «Гулобод-мева» сабзавот, полизчилик ва чорвачилик хўжалиги кимошди савдосига қўйилди. Лот маълумотлари «E-auksion» порталида эълон қилинган.
Лот изоҳида ёзилишича, 2010–2018 йилларда қурилган 1 ва 2 қаватли хўжалик 26 хонадан иборат. 1,94 гектар майдонда жойлашган комплекснинг умумий майдони 19 421 квадрат метрни ташкил этади.
Хўжаликда газ, сув, электр таъминоти ва канализация мавжуд. Чорвачилик комплекси бир неча турдаги товар ва моддий бойликлар билан савдога қўйилмоқда.
Аукционга қўйилган комплекснинг бошланғич баҳоси — 62,02 млрд сўм. Аризалар 3 март 09:00 га қадар қабул қилинади. Савдолар худди шу куни 10:00 да бошланади.
Чорвачилик хўжалиги 17 февралдаги аукционда сотилмаган эди. Шу сабабли кимошди савдоси аукцион талабларига асосан ўтказилмаган деб топилган.
Аввалроқ Тошкент шаҳрида 51 хонали ҳовли аукционга қўйилгани ҳақида хабар берилган эди.
Изоҳ (0)