Олий ва ўрта махсус таълим вазирлиги «Профессионал таълим муассасаларида сиртқи ва кечки таълимни ташкил этиш чора-тадбирлари тўғрисида»ги Вазирлар Маҳкамаси қарори лойиҳасини муҳокамага қўйди.
Унга кўра:
- ўқув семестри якунигача бўлган муддатда сиртқи таълимда ўқиш мустақил, шу жумладан, масофадан туриб таълим олиш шаклида амалга оширилади;
- ўқувчи ҳар бир семестр давомида тасдиқланган режа-жадвал асосида камида бир марта таълим муассасасига ўқув сессиясига чақирилади;
- сиртқи ва кечки таълимда масофадан туриб ўқитиш ўқувчиларнинг асосий иш жойидан ажралмаган ҳолда амалга оширилади;
- кечки таълимда ўқиш бир ҳафтада 4-5 кундан иборат бўлади.
«Ўрта ва ўрта махсус профессионал таълим муассасаларида сиртқи таълимни ташкил этиш тартиби тўғрисида»ги низомга кўра, кечки таълимга ўқувчиларни қабул қилиш Ўзбекистон таълим муассасаларига ўқишга қабул қилиш бўйича давлат комиссияси томонидан тасдиқланган қабул параметрларига мувофиқ Профессионал таълим муассасаларига ўқишга қабул қилиш тартиби тўғрисидаги низомга асосан амалга оширилади.
Кечки таълимда ўқиш муддатлари кундузги таълим шаклидаги ўқув режалари бўйича ўқиш муддатини 1,1 коэффициентга кўпайтириш орқали белгиланади.
Изоҳ (0)