Oliy va o‘rta maxsus ta’lim vazirligi “Professional ta’lim muassasalarida sirtqi va kechki ta’limni tashkil etish chora-tadbirlari to‘g‘risida”gi Vazirlar Mahkamasi qarori loyihasini muhokamaga qo‘ydi.
Unga ko‘ra:
- o‘quv semestri yakunigacha bo‘lgan muddatda sirtqi ta’limda o‘qish mustaqil, shu jumladan, masofadan turib ta’lim olish shaklida amalga oshiriladi;
- o‘quvchi har bir semestr davomida tasdiqlangan reja-jadval asosida kamida bir marta ta’lim muassasasiga o‘quv sessiyasiga chaqiriladi;
- sirtqi va kechki ta’limda masofadan turib o‘qitish o‘quvchilarning asosiy ish joyidan ajralmagan holda amalga oshiriladi;
- kechki ta’limda o‘qish bir haftada 4-5 kundan iborat bo‘ladi.
“O‘rta va o‘rta maxsus professional ta’lim muassasalarida sirtqi ta’limni tashkil etish tartibi to‘g‘risida”gi nizomga ko‘ra, kechki ta’limga o‘quvchilarni qabul qilish O‘zbekiston ta’lim muassasalariga o‘qishga qabul qilish bo‘yicha davlat komissiyasi tomonidan tasdiqlangan qabul parametrlariga muvofiq Professional ta’lim muassasalariga o‘qishga qabul qilish tartibi to‘g‘risidagi nizomga asosan amalga oshiriladi.
Kechki ta’limda o‘qish muddatlari kunduzgi ta’lim shaklidagi o‘quv rejalari bo‘yicha o‘qish muddatini 1,1 koeffitsiyentga ko‘paytirish orqali belgilanadi.
Izoh (0)