Япониянинг энг йирик темир йўл компанияси келгуси ойда биринчи водород ёнилғи поездини синовдан ўтказишни бошлайди. Бу ҳақда Bloomberg хабар бермоқда.
Икки вагонли Hybari поездини ишлаб чиқиш учун тахминан 35 млн доллар сарфланган. Поезд водородни бир марта тўлдиришда 100 км/соат максимал тезликда 140 километр масофани босиб ўта олади.
Япония ҳукумати 2050 йилга келиб водороддан фойдаланиш ҳажмини 20 миллион тоннага оширишни мақсад қилган. Бир нечта энергетика компаниялари водороднинг нархини пасайтириш учун етказиб бериш занжирларини қуришга ҳаракат қилмоқда.
Германия 2018 йилда Alstom SА томонидан қурилган дунёдаги биринчи водород поездини ишга туширган эди.
Siemens AG ва Deutsche Bahn АG янги минтақавий поездлар ва махсус ёнилғи қуйиш шохобчаларини ишлаб чиқмоқда ва уларни 2024 йилда синовдан ўтказади.
Аввалроқ 2017 йилда Alstom дунёдаги биринчи водород поездини синовдан ўтказгани ҳақида хабар берилган эди.
Изоҳ (0)