Россияда оғир аҳволда қолган бемор фуқаро Ўзбекистонга қайтарилди. Бу ҳақда Ташқи меҳнат миграцияси агентлиги хабар қилди.
Қайд этилишича, фарғоналик Х.Н. 2020 йил январь ойида ишлаш учун Россияга борган. 2021 йилнинг ноябрида бахтсиз ҳодиса оқибатида баландликдан йиқилиб, бош қисмидан оғир тан жароҳати олган.
У анча муддат Россияда даволанган. Маблағсиз, иқтисодий қийин аҳволда қолган Х.Н. оиласи бағрига қайтган. Унга шифокор назорати остида ватанга қайтишида амалий ёрдам кўрсатилган.
Х.Н. Тошкент халқаро аэропортида агентлик масъул ходимлари ва фуқаронинг яқин қариндошлари томонидан кутиб олинган. Тез тиббий ёрдам машинасида Республика шошилинч тез тиббий ёрдам илмий марказига кузатилган.
Изоҳ (0)