«Ўзгидромет» 21—25 февраль кунлари учун об-ҳаво прогнозини эълон қилди.
Марказ ахборотига кўра, 21 февраль, душанба куни Ўзбекистон ҳудуди бўйича баҳорий илиқ, ёғингарчиликсиз об-ҳаво кутилмоқда. Кундуз куни ҳарорат 18-21 даража илиққача кўтарилади, бу шу кун меъёридан 7-9 даражага юқоридир.
22 февралдан иш ҳафтасининг охиригача Кавказдан булутли массивлар кириб келиши кутилмоқда. Бунда республиканинг айрим жойларида вақти-вақти билан ёмғир ёғиши мумкин, тоғли ҳудудларда ёғингарчилик (ёмғир, қор) бўлади. Ҳаво ҳарорати кечалари 4-9 даража илиқ, кундузи эса 13-18 даража илиқ бўлиши кутилаётган бўлиб, бу иқлимий меъёрдан юқоридир.
Пойтахтда ҳафта давомида қуруқ ва илиқ об-ҳаво бўлиши кутилмоқда, фақат 25 февраль, жума куни бироз ёмғир ёғиш эҳтимоли бор.
Ҳафта давомида республиканинг тоғли ҳудудларида қор кўчиши хавфи бор.
Изоҳ (0)