Бугун,

  • USD 11095.31
  • RUB 173.84
  • EUR 10772.44

Диета ва жисмоний фаоллик қандли диабетда саломатлик ва фаровонликни яхшилаш учун энг самарали рецептдир. Қандли диабет билан касалланган бўлсангиз, қандай маҳсулотларни иложи борича тез-тез истеъмол қилиш кераклигини билиб олинг.

Фото: Getty Images

Фото: Getty Images

Қора шоколад

2017 йилда чоп этилган тадқиқотлар шуни кўрсатадики, какаони мунтазам истеъмол қилиш 2-тоифа диабетнинг ривожланишини секинлаштиришга ёрдам беради. Бундан ташқари, ушбу маҳсулот кўпинча диабет билан бирга келадиган юрак-қон томир касалликлари хавфини ҳам камайтиради. Албатта, таркибида какао кўп бўлган, шакарсиз шоколадни танлаш муҳим.

Брокколи

Брокколи таркибидаги сулфорафан бирикмаси кучли яллиғланишга қарши таъсирга эга бўлиб, қондаги қанд миқдорини назорат қилишга ёрдам беради, шунингдек, қон томирларини диабет билан касалланган одамларда тез-тез ривожланадиган шикастланишдан ҳимоя қилади. Ушбу модданинг яна бир фойдали хусусияти тананинг табиий детоксификация механизмларини жалб қилиш қобилиятидир, бу ферментларни саратонга олиб келадиган кимёвий моддаларни танадан осонгина чиқариб юбориши мумкин бўлган зарарсиз моддага айлантиради. Шунинг учун сизда қандли диабет бўлмаса ҳам, брокколини тез-тез истеъмол қилинг.

Черника

Черника барча турдаги клетчаткаларга бой: эримайдиган клетчаткалар ёғнинг сўрилишини камайтиришга ёрдам беради, эрийдиган клетчаткалар эса қондаги қанд миқдорини ушлаб туради. Бундан ташқари, 2016 йилги тадқиқот шуни кўрсатдики, бу резаворда топилган антиоксидантлар ҳужайралардаги инсулин қаршилигини камайтириши мумкин, айниқса, метаболик синдром ташхиси қўйилганлар учун жуда фойдали.

Сули ёрмаси

Мунтазам равишда сули ёрмасини истеъмол қилиш (лекин бутун дондан тайёрланганини) 2-тоифа диабет хавфини камайтиришга ёрдам беради. Сули магнийга бой бўлиб, у организмга глюкозани тўғри қайта ишлашга ва инсулин ишлаб чиқаришга кўмаклашади.

Балиқ

Балиқ энг фойдали ва соғлом озиқ-овқатларидан биридир, шу жумладан, диабет билан касалланган одамлар учун ҳам. Гап шундаки, унинг таркибидаги омега-3 ёғ кислоталари организмдаги яллиғланишни, шунингдек, диабет билан тез-тез юзага келадиган асоратлар хавфини камайтиради. Шунинг учун ҳафтада камида икки марта балиқ ейишни унутманг.

Зайтун мойи

2019 йилда Diabetes Care журналида чоп этилган тадқиқот шуни кўрсатдики, Ўрта Ер денгизи диетасига кўра овқатланадиганларнинг предиабет ёки 2-тоифа диабетга чалинган ортиқча вазнли ёки семириб кетган одамларга қараганда вазни камроқ бўлади. Диeтанинг асосий таркибий қисмларидан бири зайтун мойи бўлиб, у ҳужайраларни шикастланишдан ҳимоя қилувчи ва юрак касалликларининг олдини оладиган монотўйинмаган ёғлар ва антиоксидантларга бой.

Дуккаклилар

Дуккаклилар оқсил ва клетчаткага бой бўлиб, улар қондаги шакар миқдори кескин ошишига йўл қўймайди ва шу билан инсулиннинг хавфли кўтарилишидан ҳимоя қилади. Агар дуккакли маҳсулотларни пиширишга вақтингиз бўлмаса, консерваланганидан фойдаланиш мумкин, лекин консерва тайёрлашда туз ва шакар кўп ишлатилгани учун овқатдан олдин чайишни унутманг.

Исмалоқ

Исмалоқ таркибида К витамини, шунингдек, магний, фолат, фосфор, калий ва синк каби минераллар кўп. Бундан ташқари, у қондаги глюкоза миқдорини меъёрда сақлашга ёрдам берадиган ўсимлик кимёвий моддалари лутеин ва зеаксантин манбаидир.

Ёнғоқ

Ёнғоқда альфа-линоленик кислота деб аталадиган жуда фойдали тўйинмаган ёғли кислота мавжуд бўлиб, бу яллиғланишни камайтиради. Бундан ташқари, ёнғоқ L-аргинин, омега-3, клетчатка, E витамини ва бошқа фитокимёвий моддалар антиоксидант, саратонга қарши, вирусга қарши ва холестеринни камайтирадиган хусусиятларга эга. Ёнғоқ 2-тоифа диабет хавфини камайтириш ёки соғлиғини асрашни хоҳлайдиганлар учун энг фойдали ва хавфсиз газаклардан биридир.

Изоҳ
Асосий янгиликлар
Иқтисодиёт
Коррупция даражаси, иқтисодий эркинлик индекси: Ўзбекистоннинг халқаро рейтинглардаги ўрни қандай ўзгармоқда?
Дунё
АҚШ Ельциннинг Украина ҳақидаги баёнотини махфийликдан чиқарди
Иқтисодиёт
Ўзбекистонда фрилансерлик: улар қанча маош олади ва нега кўпаймоқда?