«Барселона» Эрлинг Ҳоландга катта маош ваъда қилмоқда.
«Боруссия Д» ҳужумчисига топ-жамоалар қизиқаётганига қарамасдан, каталонияликлар ҳамон уни ўз сафига қўшиб олишга умид қилмоқда. «Барселона» норвегиялик футболчи учун 75 миллион евро миқдоридаги товон пулини тўлашга тайёр.
«Кўк-анорранглилар»да Ҳоланди Каталонияга ўтишга кўндирувчи сабаблар мавжуд. Улар 21 ёшли футболчини клуб янги лойиҳасининг асосий етакчиси бўлишига ишонтирмоқчи ва унинг атрофида ёш истеъдодлар билан жамоа тузмоқчи.
Ундан ташқари, маркетинг нуқтаи назаридан ҳам Ҳоланднинг «Барселона»га ўтиши унга фойдали бўлиши мумкин. Чунки каталонияликлар ижтимоий тармоқлардаги обуначилар сони бўйича етакчи ҳисобланади.
Эрлинг Испанияга кўчиб ўтса, унинг йиллик маоши 20 миллион еврони ташкил қилади ва жамоанинг энг кўп маош олувчи футболчисига айланади.
Аввалроқ, «Реал» Эрлинг Ҳоланд билан дастлабки келишувга эришгани, бу келишувдан кейин Ҳоланднинг вакиллари бошқа клублар билан музокара олиб боролмаслиги хабар қилинганди.
Ҳужумчининг дортмундликлар билан шартномаси 2024 йил июнь ойига қадар мўлжалланган. У 2021/22 йилги мавсумда барча мусобақаларда 20 та ўйинда майдонга тушиб, 23 та голга муаллифлик қилди.
Изоҳ (0)