Фарғона шаҳрида танишига телефон аппаратлари олиб беришини айтиб, алдов йўли билан катта миқдорда пулларини қўлга киритган шахс ушланди. Бу ҳақда Фарғона вилояти Ички ишлар бошқармаси хабар қилди.
Қайд этилишича, 15 февраль куни Фарғона шаҳар ИИБга шаҳарнинг Қизилқия кўчасида яшовчи фуқаро А.С. мурожаат қилган. У 2021 йилнинг июнь ойида таниши А.Ж телефон аппаратлари олиб келиб беришини айтиб, унинг 10 минг доллар пулини алдов йўли билан қўлга киритиб, берган ваъдасини бажармаганини маълум қилган.
Ҳолат юзасидан Жиноят кодексининг 168-моддаси 3-қисми (фирибгарлик) билан жиноят иши қўзғатилган. Ушбу жиноятни содир этганликда гумонланган А.Ж. аниқланиб, ҳозирда тергов ҳаракатлари давом эттирилмоқда.
Изоҳ (0)