Сурхондарё вилоятида жиҳодга чорлаш тарғиботи билан шуғулланган, Суриядаги жангариларга қўшилишни режа қилган шахс қўлга олинди. Бу ҳақда ЎзА хабар қилди.
Қайд этилишича, ижтимоий тармоқларидан фойдаланиш жараёнида халқаро террористик ташкилотлар таъсирига тушиб, келгусида Суриядаги жангарилар лагерига бориб қўшилишни режалаштирган шахс аниқланган. У Жарқўрғон туманида яшовчи Р.И. (2001 йилда туғилган) бўлиб, у Давлат хавфсизлик хизмати Сурхондарё вилояти бошқармаси томонидан вилоят Ички ишлар бошқармаси билан ҳамкорликда ўтказилган тадбирда қўлга олинган.
Тадбир давомида унга тегишли телефон аппарати текширилган. Натижада Telegram’даги аккаунти орқали Абдуллоҳ Зуфар, Содиқ Самарқандий Абу Салоҳ, Рашод қори каби жиҳодчилар ғояларини тарғиботчилари билан алоқалари аниқланган.
Бундан ташқари, у Ўзбекистон Ислом Ҳаракати ХТТга тегишли «Жундуллоҳ» медиа марказининг «Амжад медиа» нашидалари, Суриядаги «Тавҳид ва жиҳод катибаси» ХТТ раҳнамоси Абу Салоҳнинг жиҳодга чорловчи маърузаларини яқин танишларига тарқатиб келаётгани аниқланиб, видеотасвир орқали процессуал тартибда расмийлаштирилган.
Ҳозирда ушбу ҳолат юзасидан тергов ҳаракатлари олиб борилмоқда.
Мавзуга доир:
Изоҳ (0)