Farg‘ona shahrida tanishiga telefon apparatlari olib berishini aytib, aldov yo‘li bilan katta miqdorda pullarini qo‘lga kiritgan shaxs ushlandi. Bu haqda Farg‘ona viloyati Ichki ishlar boshqarmasi xabar qildi.
Qayd etilishicha, 15-fevral kuni Farg‘ona shahar IIBga shaharning Qizilqiya ko‘chasida yashovchi fuqaro A.S. murojaat qilgan. U 2021-yilning iyun oyida tanishi A.J telefon apparatlari olib kelib berishini aytib, uning 10 ming dollar pulini aldov yo‘li bilan qo‘lga kiritib, bergan va’dasini bajarmaganini ma’lum qilgan.
Holat yuzasidan Jinoyat kodeksining 168-moddasi 3-qismi (firibgarlik) bilan jinoyat ishi qo‘zg‘atilgan. Ushbu jinoyatni sodir etganlikda gumonlangan A.J. aniqlanib, hozirda tergov harakatlari davom ettirilmoqda.
Izoh (0)