Совиган таом ўз таъмини, хушбўйлигини йўқотади ва овқат ҳазм қилиш тизимига зарар етказиши мумкин. Озиқ-овқатни белгиланган ҳароратда ейиш ҳам унинг таркиби ва калорияси каби муҳимдир.
Ёғда қовурилган овқатлар
Ўсимлик ёғида қовурилган балиқ, сабзавотлар хона ҳароратида бўлиши керак. Совиган ёғ организмда парчаланмайди, натижада қорин бўшлиғида оғирлик ва ноқулайлик ҳисси юзага келади.
Оқ гўшт
Совуқ ҳолдаги товуқ ва балиқ гўшти ҳазм бўлмайди, лекин дарҳол ичакка киради. Оқсил ҳазм бўлмагани учун қорин бўшлиғи шишади, оғирлик пайдо бўлади. Бундай овқатни доимий истеъмол қилиш дисбактериознинг оғир шаклини келтириб чиқаради.
Ёғли қизил гўшт
Қўй гўштини ҳазм қилиш учун, ҳатто иссиқ ҳолда бўлса ҳам, 3-4 соат керак. Совиган гўшт эса умуман ҳазм бўлмайди. Совиб қолган стейк дарҳол клетчаткаларни қайта ишлашни секинлаштирадиган ва овқат ҳазм қилиш системасига салбий таъсир кўрсатадиган бактериялар билан бирга ингичка ичакка киради. Натижада ҳазм бўлмаган овқат организмнинг ўзида айний бошлайди.
Шўрва
Шўрвалар гўштли бульон асосида тайёрланади. Ёғсиз шўрва бўлса ҳам, барибир унда қовурилган сабзавотлар бўлади. Совуқ борш ёки товуқ шўрвали лапша ҳазм бўлиши қийин овқатлар сирасига киради. Совуқ овқат истеъмол қилганда ёғ тўқималари бирикиб, холестерин тўпланади.
Иссиқ ва совуқ овқатлар аралашмаси
Албатта, ҳамма овқатларниям иситиш шартмас, масалан, сабзавотлар, шарбатлар ёки мевалар. Аммо совуқ ва иссиқ егулик комбинацияси тўқлик ҳиссини сусайтиради, керак бўлгандан кўпроқ овқатланганингизни билмай қоласиз. Ҳароратнинг кескин ўзгариши тиш эмалига ҳам ёмон таъсир қилади. Совиткичдаги маҳсулот оптимал ҳароратда исигунча кутган маъқул.
Шифокорлар овқатни ейишдан олдин иситишни, совуқ ичимликлар, сабзавот ва меваларни эса газак сифатида нонушта, тушлик ва кечки овқат оралиғида истеъмол қилишни маслаҳат беришади.
Мавзуга доир:
Изоҳ (0)