Визажистдан тавсия: кўзларга ёрқин ва маъноли қилиб пардоз беришнинг 8 сири

Кўзларни макияж ёрдамида каттароқ ва ёрқинроқ қилиш учун профессионал визажист бўлиш шарт эмас. Бир нечта оддий сирларни билиш кифоя.

Истеъдодли визажист Лилия Абдуллаева AdMe нашрига кўзларни қандай қилиб ёрқин ва маъноли қилиш сирларини очиб берди.

Қошларни ажратамиз

Қошларга урғу бериб, юз хусусиятларини таъкидлашингиз ёки тузатишингиз мумкин: кўзни катта қилиш, овал юзни торайтириш ёки кенгайтириш. Тен, қаламлар шаклни тўғрилашга ёрдам беради, масалан, туш қошларга ҳажм қўшади, гел эса қош тукларига керакли йўналиш беради.

Пастки қовоққа оқ қалам суртинг

Агар нигоҳингизни янада ёрқин ва очиқ қилишни истасангиз, пастки қовоқнинг шиллиқ қаватини ёрқин рангдаги қалам ёки подводка билан бўянг. Бунинг учун марварид сояси ва фил суяги ранги мос келади.

Ҳайлайтердан фойдаланамиз

Ҳайлайтер ёки марварид рангдаги тенлар кўзларга ёрқин ранг қўшишга ёрдам беради. Уларни қош остига, кўзнинг ички бурчагига ва ҳаракатланувчи кўз қовоғининг марказий қисмига қўлланг.

Кирпикларни узайтирамиз

Агар кирпиклар қайрилма бўлмаса, унда жингалак қиладиган қисқичдан фойдаланган маъқул. Туш суртишдан олдин киприкларни қайириб олинг. Тушни киприк илдизидан учигача суртинг. Сунъий кирпиклар ҳам кўзларни табиий равишда катталаштиришга ёрдам беради.

Оч жигарранг тен ишлатамиз

Оч жигарранг тен палитраси истисносиз ҳаммага мос келади. Тепа қовоқнинг таг қисмини очроқ ранг, қовоқ бурмасини тўқ ранг ва қош ёйигача очроқ қилиб бўянг. Бу кўзлар шаклига урғу беришга ёрдам беради.

Кирпик контурини тўқ рангга бўяймиз

Киприк контурини қорайтириш нигоҳни янада маъноли қилади.

Мовий ранг кўзларни ёрқинроқ қилади

Макияждаги кўк тенлар яшил, кўк ва жигарранг кўз эгаларининг деярли барчасига мос келади. Айнан шу ранг нигоҳингизни янада теранроқ ва ифодали қилади.

Рангли тенларни ишлатишдан қўрқманг

Рангли тенлар шунчаки образга урғу бериши ёки пардозда асосий ўринни эгаллаши мумкин. Бундан ташқари, ранг-баранг тен ҳам образга замонавийликни беради. Бунинг учун контраст ранглардан фойдаланинг.