Бугунги қаҳрамонлар Голливуддаги карьерасини тўхтатиб, тамоман бошқа фаолият билан шуғулланишга қарор қилган.
Камерон Диас
1994 йилда «Ниқоб» фильми намойиш этилганидан сўнг, жаҳон юлдузига айланган актриса 2017 йилда катта кинодаги фаолиятини якунлашини маълум қилган эди. Шундан кейин актриса ўзни севиш ҳақида бир нечта китобларни нашр этди ва мусиқачи Бенжи Медден билан Реддикс исмли қиз фарзанд кўрди. Яқинда Диас ўзини яна янги соҳада синаб кўраётгани маълум бўлди: у дугонаси Кетрин Пауэр билан биргаликда органик шароб брендини чиқарди.
Ен Сомерхолдер ва Пол Уэсли
«Вампир кундаликлари» телесериалида ака-ука Пол Уэсли ва Ен Сомерхолдер лойиҳа премьерасидан ўн йилдан кўпроқ вақт ўтгач, қаҳрамонлари жуда яхши кўрган маккажўхори вискисини ишлаб чиқаришни бошлади. Сўнгги пайтларда актёрларнинг янги роллари ҳақида деярли ҳеч нарса маълум эмас, аммо бизнесда муваффақиятга эришаётгани аниқ. Юлдузлар ўзларининг саҳифаларида, шунингдек, суратга олиш майдончасидаги собиқ ҳамкасблари ёрдамида янги ичимликни фаол равишда тарғиб қилмоқда.
Фредди Принс
Фредди Принс 1990 йилларнинг охири ва 2000 йилларнинг бошларида телетомошабинларнинг севимли актёри эди. 1997 йилда Фредди Женнифер Лав Хьюитт ва Сара Мишел Геллар билан биргаликда «Мен ўтган ёзда нима қилганингизни биламан» шов-шувли фильмида ўйнаган ва шундан сўнг машҳурликка эришган. Бир неча йил давомида у кетма-кет фильмларда фаол иштирок этди, аммо сўнгги 10 йил ичида тўсатдан ғойиб бўлди. Актёр мухлисларини янги роллари билан хурсанд қилишни тўхтатди. Маълум бўлишича, Фредди ўзини бутунлай таом тайёрлашга бағишлаган ва ҳатто ўзининг рецептлар китобини нашр этган.
Фрэнки Муниз
Фрэнкида машҳурликнинг чўққиси унинг болалиги ва ёшлигида бўлиб ўтган. «Агент Коди Бенкс» ва «Макголм диққат марказида» фильмлари чиққандан сўнг, у том маънода юлдузга айланди. Актёр тобора кўпроқ янги лойиҳаларга таклиф қилинаётганига қарамай, автопойгага қизиқиб қолди ва ушбу спорт турида катта муваффақиятларга эришди. 2006 йилдан бери Муниз пойга билан профессионал тарзда шуғулланади. У пойга учун актёрлик фаолиятини тарк этишга мажбур бўлганидан афсусланмайди.
Vanilla Айс
1990 йилларнинг асосий машҳур қўшиқларидан бири Ice Ice Baby’нинг муаллифи қўшиқчилик фаолиятини якунлади. У таъмирлаш ва кўчмас мулк билан шуғулланишга қарор қилди. Бунинг учун у ўзининг телекўрсатувини ишга туширди. Бу орқали у томошабинларга фойдали таъмирлаш ва замонавий дизайн асосларини ўргатади. Собиқ мусиқачи ҳаттоки ўзининг онлайн кўчмас мулк порталига ҳам асос солди.
Мавзуга доир:
Изоҳ (0)