Португалия чемпионатининг 22-туридан ўрин олган «Порту» ва «Спортинг» ўртасидаги баҳс футболчиларнинг оммавий жанжали билан ниҳоясига етди.
Ҳакамнинг финал ҳуштаги чалинганидан сўнг «Спортинг» футболчиси Жоау Палиня «Порту»нинг захира дарвозабони Агустин Маркесиннинг бурнига мушт туширди. 38 ёшли ҳимоячи Пепенинг бундан жаҳли чиқди. Лиссабонликлар ҳужумчиси Бруну Табата эса стадион ходимларидан бирини туртиб юборди. Шундан сўнг оммавий муштлашув бошланди.
Иккала клубнинг деярли барча футболчилари ушбу жанжалга аралашди. Натижада ҳакам тўртта қизил карточка кўрсатишга мажбур бўлди. «Порту» сафида Маркесин ва Пепе, «Спортинг» сафида эса Палиня ва Табата майдондан четлатилди.
Қайд этиб ўтиш жоиз, ўйиннинг 49-дақиқасида «Спортинг» футболчиси Себастьян Коатес ҳам қизил карточка олиб майдонни тарк этганди.
Учрашув 2:2 ҳисоби билан якунланди. 22 турдан сўнг «Порту» 60 очко жамғариб, мусобақада яккапешқадам бўлиб турибди. Иккинчи ўринда бораётган «Спортинг»да эса 54 очко мавжуд.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)