Андижон вилоятининг Шаҳрихон туманининг «Қоракўрпа» маҳалласида жойлашган шифохонада газ портлагани ҳақида хабар берилган эди. Фавқулодда вазиятлар вазирлиги ҳодиса оқибатида бир киши ҳалок бўлганини маълум қилди.
Воқеа 11 февраль куни соат 11:30 да Чинобод кўчасида жойлашган 3 қаватли «Зитерия» МЧЖ Диагностика ва даволаш масканининг 1-қаватида юз берган.
Вазирлик эълон қилган дастлабки маълумотларда ҳодиса оқибатида 7 киши жабрлангани маълум қилинганди. Вилоят Фавқулодда вазиятлар бошқармасининг ёнғин-қутқарув гуруҳи томонидан олиб борилган қидирув-қутқарув ишлари натижасида бир киши воқеа жойида вафот этгани аниқланган. Шунингдек, ҳодиса оқибатида турли даражада тан жароҳати олиб тўрт нафар фуқаро туман шифохонасига жойлаштирилган.
Хабарда айтилишича, ҳодиса жойига ФВВ раҳбарияти, ИИБ, ССБ, прокуратура ва бошқа тегишли хизмат ходимлари етиб борган.
Мазкур ҳолат юзасидан дастлабки терговолди суриштирув ишлари олиб борилмоқда.
Изоҳ (0)