Наманган вилоятининг Чуст туманида ЙПХ ходими хизмат автомобилида ёнғин чиққани ҳақида хабар берилганди. Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматининг «Дарё» қўшимча қилишича, ёнғинга махсус хизмат автомобилининг двигатель қисмидаги қисқа туташув сабаб бўлган.
«2022 йил 11 февраль куни соат 09:40 ларда Наманган вилоятининг Чуст тумани ҳудудидан ўтган 4Р-112 Фарғона ҳалқа йўли автомобиль йўлининг 44-километрида ЙҲХБ ходими А.Парпиев бошқарувидаги Nexia-1 русумли махсус хизмат автомобилининг двигатель қисмида қисқа туташув ва унинг ортидан ёнғин содир бўлган. Ҳайдовчи автомобилни зудлик билан тўхтатган. Ёнғин ўт ўчирувчилар томонидан бартараф этилган», — дейилади масъул ташкилотнинг расмий маълумотида.Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати барча ҳайдовчилардан бошқарувидаги транспорт воситасининг техник созлигига эътиборли бўлишлари лозимлигини сўраган.
Изоҳ (0)