Шавкат Мирзиёев Самарқанд шаҳридаги 59-сон кўзи ожизлар мактаб-интернатига ташриф буюрди, деб хабар беради «Дарё» мухбири.
Ташриф давомида президент кўзи ожиз ўқувчилар учун олийгоҳни тугатганларидан кейин ҳар бир давлат идорасида иш ўрни бўлиши кераклигини айтган.
«Инсон қадри йилида бу ерга келишимнинг остида ҳам катта маъно бор. Сизларга берадиган эътиборимиз, яратиб берадиган шароитимиз адолатдан бўлади», — дейди Шавкат Мирзиёев.
Давлат раҳбари ушбу мактабда ўқитувчи ва ўқувчилар билан суҳбатда бўлиб, у ерда ўқийдиган уч нафар қизга олий ўқув юртларига имтиҳонсиз ўқишга кириши бўйича қарорга имзо чекишини айтган. Таъкидланишича, уч нафар қиз спортнинг шахмат-шашка тури бўйича қатор чемпионатларда ғолиб бўлган.
Шунингдек, Шавкат Мирзиёев мактабнинг ўқитувчиларидан бири билан суҳбатда бўлган ва унинг қизига пианино совға қилишини айтган. Бундан ташқари, президент у қизга ҳам олий ўқув юртига ўқишга кириши бўйича қарорга имзо чекишини таъкидлаган.
Изоҳ (0)