Андижон вилояти Марҳамат туманидаги мактаблардан бирида ўқитувчилар ўқув муассасасида таълим сифати, ўқувчиларнинг олийгоҳларга кириш кўрсаткичи пастлиги, ўқувчиларнинг ўзлаштириши қониқарсиз экани туфайли ота-оналар олдида тик туриб, узр сўрагани хабар қилинганди. Таълим сифатини назорат қилиш давлат инспекциясининг маълум қилишича, тумандаги мазкур 72-ИДУМ таълим сифати энг паст мактаблар қаторида турмайди.
Таъкидланишича, Таълим инспекцияси таълим сифатида мавжуд муаммолар учун педагогларни айблаш ёки беҳурмат қилишни қатъиян қоралайди.
«Марҳамат туманидаги устозлар билан содир бўлган ҳолат эса ваколатли органлар томонидан батафсил ўрганиб чиқилиб, айбдорларга қатъий чора кўриш мақсадга мувофиқ. 9-мактаб (ҳозирги 72-ИДУМ) рейтингда республика бўйича 9622 та мактаб ўртасида 5144-ўринни, тумандаги 45 та мактаб ўртасида 23-ўринни эгаллаган. Яъни паст натижа қайд этмаган», — дейилади муносабатда.
Маълум қилинишича, ҳукумат қарори билан тасдиқланган умумий ўрта таълим муассасалари рейтингини аниқлаш тартиби тўғрисидаги низомга асосан мактаблар рейтинги аниқлашда қуйидаги 8 та кўрсаткич инобатга олинади:
2021 йили илк маротаба эълон қилинган мактаблар рейтинги Президент топшириғига асосан аввало ҳокимлар ҳамда уларнинг таълим ва тарбия масалалари бўйича маслаҳатчилари фаолиятини баҳолаш мақсадида аниқлаб эълон қилинган. Ҳеч бир ҳуқуқий меъёрий ҳужжатда мактаблар рейтингида паст натижа кўрсатган мактаб педагогларига чора кўриш бўйича нормалар мавжуд эмас. Яъни ушбу мактабларни жазолаш эмас, балким таълим сифатини ошириш бўйича уларга ёрдам бериш мақсад қилинган.
Қайд этилишича, мактаблар рейтинги жазолаш эмас, аксинча, рағбатлантиришни кўзда тутади. Яъни президент фармонига кўра:
- туман (шаҳар) кесимида тузилган рейтингда биринчи ўринни эгаллаган умумтаълим муассасалари директорлари маҳаллий бюджет маблағлари ҳисобидан меҳнатга ҳақ тўлаш энг кам миқдорининг 10 баравари миқдорида бир марталик рағбатлантирилади;
- халқ таълими бўлими мудирлари ва методистларига, умумтаълим муассасалари директорларига ҳамда туман (шаҳар) кесимида тузилган рейтингда биринчи бешта ўринларни эгаллаган умумтаълим муассасаларининг 2 нафар ўқитувчиларига Ўзбекистон Касаба уюшмалари Федерацияси ҳисобидан санаторийларда дам олиш учун бепул йўлланмалар берилади.
Изоҳ (0)