Профессионал бокснинг оғир вазн тоифасида (+90,7 кг) ҳаракат қилиб келаётган Баҳодир Жалолов (9-0, 9 КО) Дубайдаги жанг кечасида рингга кўтарилади.
18 март куни бўлиб ўтиши режалаштирилган Probellum Dubai мусобақасида ўзбекистонлик боксчига польшалик Камил Соколовски (11-24-2, 4 КО) рақиблик қилади.
Эслатиб ўтамиз, Баҳодир Жалолов профессионал боксдаги бундан аввалги жангини декабрь ойида колумбиялик Хулио Сезарь Калименога қарши ўтказиб, биринчи раунддаёқ нокаут билан ғалаба қозонганди. Унгача эса 2021 йилнинг апрель ойида латвиялик Кристапс Зуитсни нокаут эвазига таслим этган.
Камил Соколовскининг сўнгги жанги 2022 йил 5 февраль куни швециялик Отто Валлинга қарши бўлиб ўтган. Польшалик боксчи рақибига имкониятни бой берган.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)