Тошкент шаҳри Мирзо Улуғбек туманида 4 февраль куни хонадонга босқинчилик уюштирган шахс ушланди. Бу ҳақда Тергов департаменти хабар қилди.
Қайд этилишича, шу куни соат 11:00 ларда номаълум шахс ўзганинг мулкини очиқдан очиқ талон-торож қилиш мақсадида П.Г. (81 ёш)нинг Мирзо Улуғбек кўчасида жойлашган хонадонига келган. Жиноий режасини амалга ошириш мақсадида онахондан ичимлик суви олиб чиқиб беришини сўраб, алдов йўли билан унинг хонадонига бостириб кирган. Хонадон эгаси П.Г.нинг бўйнидан синтетик мато билан бўғиб, ҳаёт ва соғлиқ учун хавфли бўлган зўрлик ишлатган. Хонадонда бўлган 1 миллион сўмлик пулларини талон-торож қилиб, ҳодиса жойидан яширинган.
Ҳолат юзасидан номаълум шахсга нисбатан Жиноят кодексининг 164-моддаси 3-қисми «в» банди (уй-жойга, омборхона ёки бошқа биноларга ғайриқонуний равишда кирган ҳолда босқинчилик қилиш) билан жиноят иши қўзғатилган.
Олиб борилган тергов-тезкор ҳаракатлар давомида жиноятни Тошкент вилоятида яшовчи, ҳеч қаерда ишламайдиган, муқаддам судланган 50 ёшли Х.V. содир этгани аниқланиб, процессуал тартибда ушланган.
Ҳозирда тергов ҳаракатлари давом этмоқда.
Мавзуга доир:
- Фарғонада аёл ва унинг вояга етмаган қизини скотчлаб, уйидаги тилла тақинчоқларни ўғирлаб кетган жиноий гуруҳ қўлга олинди
- Қашқадарёда пистолет ва электрошокер билан фуқаронинг пул ва буюмларини тортиб олган шахслар ушланди
- Тошкентда ўзи ишлаган хонадонга кириб, 15 минг долларни ўғирлаб кетган уста ва унинг 6 шериги ушланди (видео)
Изоҳ (0)