Наманганда бир Nexia ағанади, бошқаси эса пиёданинг ўлимига сабаб бўлди. Йўллардаги бахтсиз ҳодисалар тафсилотлари

Ўзбекистон йўлларида содир бўлган йўл-транспорт ҳодисалари тафсилотларини тақдим этамиз.

Наманганда Nexia ағдарилди

2022 йил 4 февраль куни соат 05:00 ларда Тўрақўрғон тумани, «Шохидон» МФЙ ҳудудида Nexia-3 автомашинасини бошқариб кетаётган ҳайдовчи ҳаракат хавфсизлигини таъминлай олмай, йўлнинг ўнг четига чиқиб кетиб, бошқарувни йўқотиб, ағдарилиб кетган.

Оқибатда автомашина салонида бўлган ҳайдовчининг ўғли (1995 йилда туғилган) олган тан жароҳати туфайли шифохонада вафот этган. Ҳайдовчи эса бош мия очиқ шикасти, бош мия тўқималари эзилиши, мияга қон қуйилиши, чап елка суягининг ёпиқ синиши ташхиси билан шифохонага ётқизилган.

Ушбу ҳолат бўйича Тўрақўрғон тумани ИИБ ҳузуридаги ТБ томонидан 2022 йил 4 февраль куни Жиноят кодексининг 266-моддаси 2-қисми (одам ўлимига сабаб бўлган транспорт бошқариш хавфсизлигини бузиш) билан жиноят иши қўзғатилган.

Чустда Nexia уриб кетиши оқибатида пиёда вафот этди

2022 йил 5 февраль куни соат 15:20 ларда 4К-462А Чуст—Ғова йўлининг 3-километрида «Бибиона» МФЙ ҳудудида, Чуст туманида яшовчи фуқаро (1996 йилда туғилган) Nexia автомашинасини бошқариб бораётиб, ҳаракат хавфсизлигини таъминлай олмай, йўлни кесиб ўтаётган пиёда — Чуст туманида яшаган аёлни (1954 йилда туғилган) уриб юборган.

Оқибатда пиёда олган оғир тан жароҳати оқибатида шифохонада вафот этган.

Ушбу ҳолат бўйича Чуст туман ИИБ ҳузуридаги ТБ томонидан 2022 йил 5 февраль куни Жиноят кодексининг 266-моддаси 2-қисми билан жиноят иши қўзғатилган.