«Манчестер Юнайтед» ҳужумчиси Криштиану Роналду фаолиятини «ПСЖ»да давом эттириши мумкин, деб хабар бермоқда Marca.
Манбага кўра, катта эҳтимол билан «ПСЖ» бош мураббийи Маурисио Почеттино мавсум якунида жамоани тарк этади ва унинг ўрнини Зинедин Зидан эгаллайди. Франциялик мутахассиснинг илк талабларидан бири «Реал»да бирга ишлаган Роналдуни сотиб олиш бўлади.
Аввалроқ кўп маротаба Роналдунинг Манчестердаги ҳолатидан норози эканлиги ва ўзгаришларни хоҳлаётгани хабар қилинганди.
Зидан эса Франция терма жамоасини бошқариш имкониятини кутаётгани туфайли «ПСЖ»нинг бунгача бўлган таклифларини рад этгани айтилди.
Маълумот учун, Роналдунинг «қизил иблислар» билан шартномаси 2023 йилнинг июнига қадар мўлжалланган. У Англия Премьер Лигасининг 2021/22 йилги мавсумида 18 та ўйин ўтказиб, 8 та гол урди ва 3 та голли узатмани амалга оширди. Шунингдек, Роналду Чемпионлар Лигаси гуруҳ босқичининг 5 та учрашувида 6 та гол урган.
Изоҳ (0)