«Барселона» ҳимоячиси Дани Алвес Ла Лиганинг 23-тур доирасидаги «Атлетико»га қарши ўйинда (4:2) гол урди.
Бразилиялик футболчи 38 ёш-у 276 кунлик вақтида ўз номига гол ёздириб қўйди ва шу тариқа каталонияликлар тарихидаги энг ёши катта гол муаллифига айланди.
Бундан аввалги натижа Хоан Сегаррега тегишли эди. 1963/64 йилги мавсумда «Бетис» дарвозасини ишғол қилган Сегарре 36 ёш-у 163 кунлик эди.
«Барселона» «Атлетико»ни мағлуб этган баҳсда Дани Алвес Хорди Альбанинг голига ассистентлик қилди, шунингдек, у ўз ҳисобига ҳам гол ёздириб қўйди. 69-дақиқада эса қизил карточка олиб, майдонни тарк этди.
Эслатиб ўтамиз, Дани Алвес 2021 йилнинг ноябрь ойида 5 йиллик танаффусдан кейин эркин агент сифатида «Барселона»га қайтганди. У 2021/22 йилги мавсумда «Барселона» сафида барча мусобақаларда 5 ўйин ўтказиб, битта гол ва учта голли узатмага муаллифлик қилди.
Изоҳ (0)