Халқ депутатлари Оққўрғон тумани кенгашининг навбатдан ташқари сессиясида Тошкент вилояти ҳокимининг қишлоқ ва сув хўжалиги масалалари бўйича биринчи ўринбосари таништирилди. Бу ҳақда вилоят ҳокимлиги матбуот хизмати хабар берди.
Айни пайтда давом этаётган сессияда маъруза қилаётган Тошкент вилояти ҳокими вазифасини бажарувчи Зоир Мирзаев вилоят ҳокимининг қишлоқ ва сув хўжалиги масалалари бўйича биринчи ўринбосари иш бошлаганини маълум қилган.
Бу лавозимга 2020 йил 14 январдан буён шу вақтга қадар Фарғона вилоятининг Олтиариқ тумани ҳокими вазифасида ишлаб келган Холмирза Ниёзов тайинланган.
Эслатиб ўтамиз, 2021 йилнинг январида Улуғбек Узоқов Тошкент вилояти ҳокимининг қишлоқ ва сув хўжалиги масалалари бўйича биринчи ўринбосари лавозимига тайинланганди. Ноябрь ойида — Зоир Мирзаев Тошкент вилояти ҳокими этиб тайинлангач, Узоқов Қашқадарё ҳокимининг биринчи ўринбосари этиб тайинланган.
Изоҳ (0)