Халқ депутатлари Оққўрғон туман кенгашининг навбатдан ташқари сессиясида Алишер Каримжонов Оққўрғон тумани ҳокими лавозимига тасдиқланди. Бу ҳақда Тошкент вилояти ҳокимлиги матбуот хизмати хабар берди.
Маълумот учун, Алишер Каримжонов 1980 йилда Янгийўл туманида туғилган. Мутахассислиги бўйича иқтисодчи. Маҳаллий ҳокимлик тизимларида, молия ва статистика соҳаларида самарали меҳнат қилган.
Мазкур лавозимга тайинлангунга қадар Алишер Каримжонов Қуйи Чирчиқ тумани ҳокимининг биринчи ўринбосари вазифасида фаолият юритган.
Шу вақтга қадар Оққўрғон тумани ҳокими лавозимида ишлаб келган Фарҳод Омонов Тошкент вилояти Маҳалла ва оилани қўллаб-қувватлаш бошқармаси бошлиғининг ўринбосари — вилоят ҳокимининг кексалар ва фахрийлар ишлари бўйича маслаҳатчиси этиб тайинланиши муносабати билан туман ҳокими лавозимидан озод этилган.
Аввалроқ Халқ депутатлари Оққўрғон тумани кенгашининг навбатдан ташқари сессиясида Тошкент вилояти ҳокимининг қишлоқ ва сув хўжалиги масалалари бўйича биринчи ўринбосари таништирилгани тўғрисида хабар берилганди.
Изоҳ (0)