Шакира 45 ёшда: 4 ёшида шеър ёзиб, 8 ёшида илк қўшиғини яратган хонанданинг шон-шуҳратгача бўлган йўли (фото)

Дунёга машҳур хонанда Шакира 2022 йил 2 февраль куни 45, унинг таниқли спортчи турмуш ўртоғи Жерар Пике эса 35 ёшни қарши олди.

Колумбиялик қўшиқчи Шакира 2000 йилларнинг бошларида дунё бўйлаб машҳурликка эришди. Унинг қўшиқлари ва мусиқий альбомлари 20 дан ортиқ мукофотларга сазовор бўлган. Хонанда муваффақиятга эришиш учун қандай йўлларни босиб ўтди?

Шакира Изабел Мебарак Риполл 1977 йил 2 февралда Колумбиянинг Барранкила шаҳрида туғилган. Оилада бўлажак қўшиқчининг отасининг олдинги никоҳидан яна 7 фарзанди бор эди. Шакиранинг отаси ишбилармон ва бадавлат одам бўлиб, унинг заргарлик дўкони бўлган. Шунингдек, насрда ҳам ижод қилишни яхши кўрган. Балки шунинг учундир Шакира тўрт ёшиданоқ шеър ёзишни бошлади, хореографияда ҳам ўқиди. Мусиқага шунчалар меҳр бердики, саккиз ёшида у илк таронасини ёзди.

Карьера

1990 йилда Шакира истеъдодлар танловида қатнашиб, у ерда театр журналисти Моника Ариза билан учрашди, бунинг натижасида қўшиқчи Sony Music’нинг Колумбия филиали билан шартнома имзолашга муваффақа бўлди. 1991 йилда хонанданинг «Магиа» деб номланган биринчи альбоми чиқди. Гарчи у муваффақиятга эришмаган бўлса-да, Шакирага ўз ватанида машҳурлик келтирди.

https://www.instagram.com/p/CYjhjuUs0DG/?utm_source=ig_web_copy_link

1994 йилда Шакира ўрта мактабни тугатди ва актриса сифатида дебют қилди. У «El Oasis» мелодрамасида рол ўйнади. Луиса Мариянинг бош роли учун Колумбиянинг ТВ ГУИА журнали уни «Мисс ТВК» деб эълон қилди. 1995 йилда Лотин Америкасида қўшиқчини машҳур қилган «Donde Estas Corazon» таронаси чиқди.

https://www.instagram.com/p/CTaoxhrMUk-/?utm_source=ig_web_copy_link

1996 йилда чиқарилган «Pies Descalzos» альбоми ижрочининг биринчи расмий студия лойиҳаси бўлди. Альбом бюджети 100 минг долларни ташкил этди ва қисқа муддат ичида ўзини оқлади. Бразилия, Аргентина, Колумбия, Чили, Эквадор, Перу ва Венесуэлада энг кўп сотилган альбомга айланди. 1999 йилда Шакира энг яхши лотин роки учун биринчи «Гремми» мукофотига номзод бўлди.

2001 йил ноябрь ойида биринчи инглиз тилидаги «Лаундрй Service» альбоми чиқди, бу хонандани бутун дунёга машҳур қилди. 2005 йилда Шакира испан тилидаги «Фижаcион Орал, Вол.» номли альбомини чиқарди, у 15 та мусиқий мукофотга сазовор бўлди. Хонанданинг карьераси жадаллашишда давом этди, Шакира яна бир нечта альбомларни чиқарди, шунингдек, бошқа жаҳон юлдузлари билан дуэтда бир нечта композициялар яратди.

2021 йил бошида хонанда Британиянинг Ҳипгносис Сонгс Фунд Limited сармоявий компанияси билан барча мусиқа релизларига ҳуқуқларни сотиш бўйича шартнома имзолади. Ҳаммаси бўлиб каталогга 145 та қўшиқ киритилган.

Шахсий ҳаёт

2000 йилда Шакира Аргентина собиқ президентининг ўғли адвокат Антонио де ла Руа билан муносабатларни бошлади. Қўшиқчи қайнотаси имзолашни сўраган никоҳ шартномасидан қониқмаганлиги сабабли муносабатлар тўхтатилди. Жуфтлик шу тарзда 2010 йилнинг ёзида ажрасдишди.

Ўша йили қўшиқчи футболчи Жерар Пике билан учрашди ва у унинг муҳаббатига айланди. Тез орада жуфтлик Барселонага кўчиб ўтди ва 2013 йилда улар Милан Пике Мебарак исмли ўғил кўрди. 2015 йилда оилада Саша исмли яна бир ўғил туғилди.